A Cámara Municipal de Vigo comandada polo reacionário Abel Caballero (PSOE) destaca-se, mais umha vez, para mal. Esta vez, através de umha atitude gritantemente machista e reprodutora dos estereótipos mais trogloditas que, do outro lado, deixa umha açom que tem tanto a ver com a celebraçom destas datas em Vigo quanto as sevilhanas do PP na Corunha.

Da delegaçom viguesa da Plataforma Feminista Galega explicam que nom unicamente sentem vergonha e raiva, mas estám "muito preocupadas porque das instituiçons se potencie o machismo e a denigraçom das mulheres" ao tratar o corpo delas como objetos.

"Do feminismo, luitamos todos os días para que a sociedade compreenda que a violência machista é produto de umha cultura patriarcal e misógina", e que "a verdadeira mudança" implica ser cientes de que "nom há que avançar num campo só, mas a igualdade deve ser transvesal".

As feministas viguesas perguntam-se como se pode permitir essa situaçom apenas alguns dias depois de dous assassinatos machistas - um deles precisamente em Vigo, que fôrom contestados com mobilizaçons nas ruas.  "E logo nos perguntamos por que? Por quq nos assassinan? Por que se cren com direito, tanto a nível institucional como privado, a utilizar-nos?" - lamentam.