A ideia da fronteira como oportunidade para a amizade e a solidariedade, e o interesse pola cultura fluvial e fronteiriça en todas as suas dimensons (das pesqueiras ao contrabando, das luitas ambientalistas ao lazer no contorno do rio), figerom que a Sociedade Cultural e Desportiva (SCD) do Condado se decidira a dedicar o seu 31 Festival da Poesia no Condado ao rio Minho.
Salvaterra de Minho será, como sempre, a sede, e as datas, as da primeira fim-de-semana de setembro: os dias 1 e 2. As chaves do programa deste 31 Festival som continuar ganhando espaços para a poesia (mais horários e lugares para os recitais) e a representaçom de artistas (na música, na poesia, na ilustraçom e no cinema) da outra beira do protagonista: o Minho.
Noite nas Minas
O Festival da Poesia começa na tarde da sexta-feira, 1 de setembro, com a apertura de exposiçons. Estas vam estar protagonizadas por três ilustradoras: a galega Nuria Figueiredo e as portuguesas Clara Não e Mariana Malhao. Ademais, a associaçom cultural Lazoiro, tamén sediada em Salvaterra, prepara umha mostra fotográfica sobre o Minho. O acto vai ser às 20:30.
A continuaçom a portuguesa Vânia Couto presenta em concerto o seu projecto Branta. Antes recitará os seus textos o galego Fran Alonso. Esta é a única actividade de pagamento do festival; as entradas custam 10 euros (8 para pessoas desempregadas) e podem reservar-se chamado ao 605 67 65 72 ou escrevendo a Este endereço de email está sendo protegido de spambots. Você precisa do JavaScript ativado para vê-lo.. À saída vai-se servir o tradicional caldo verde e haverá festa rachada com o Coro Fuscalheiro, o grupo Baleia Baleia Baleia, o DJ Bigote Mix e a novissima poeta do Condado Palmira V. Mendes.
O sábado começa com passa-ruas (com Ronco&Fol) e a feira de artesanato. Às 13:30 o Leo Arremecághona musica umha sessom vermute na que recitam os seus poemas Marga Tojo e Vítor Vaqueiro.
Na tarde, Brinca Vai vam conduzir a festa infantil desde as 17:00. Às 18:00 Limiar Teatro representam Lingua de Contrabando, e às 19:00 Diana Gonçalves projecta o seu filme Mulheres da Raia. À mesma hora começa a Abordagem Poética com Esbardalle e Catarina Fernandes.
Festival poético e musical
Presentado por Isabel Risco, às 20:30 inicia-se o festival poético e musical. Recitam as poetas Charo Lopes, F. X. F. Naval, Miriam Ferradáns, Rebeca Baceiredo, Lorena Conde e Marilar Alexandre.
A continuaçom a festa continua com De Outra Margem (amigos da SCD Condado e veteranos cantores de músicas das dúas beiras do Minho), Esposa (pop energético desde Compostela), Os Diplomáticos de Monte Alto (clássicos da música galega que voltam ao Festival da Poesia depois de 27 anos –atuaram no 10º Festival-) e Sacha na Horta (ritmos de baile para pechar a festa).