Como sempre, a principal comemoraçom decorre na mesma cidade em que o independentista caiu assassinado, na rua da Terra de Ferrol. O seu partido, a UPG, lembra-o no 42 aniversário às 19 horas, com umha concentraçom, depois de ter realizado umha oferta floral no cemitério onde repousam os seus restos, em Dodro, e um jantar popular em Fene. A clássica concentraçom contará com intervençons de Iván Ribas, porta-voz do BNG em Ferrol, Sandra Permui, porta-voz do BNG em Fene, Adrián R. Bravo, secretário-geral da UMG, e de Néstor Rego, secretário-geral da UPG.

Como já informamos, o MGS lembra o jovem independentista no mesmo dia, no cemitério de Imo, em Dodro, às 13 horas, com atuaçom musical de Roberto Sobrado e intervençons políticas de representantes do BNG, Isca! e CIG, assim como um jantar popular e um roteiro.

Também Causa Galiza (17h) e Agora Galiza (às 11h30) tenhem atos de homenagem no cemitério de Imo no dia 12 de agosto.

Finalmente, a FPG e Xeira concentram-se às 12 horas do mesmo dia na praça do Toural de Teis, em Vigo.