Publicidade

Diário Liberdade
Segunda, 16 Outubro 2017 09:44 Última modificação em Sexta, 20 Outubro 2017 00:19

O portal informativo Galizalivre, de volta para reforçar a contrainformaçom popular

Avalie este item
(0 votos)
País: Galiza / Comunicaçom / Fonte: Diário Liberdade

Reproduzimos o editorial que marca a retomada de atividade do portal de contrainformaçom popular Galizalivre.

Com novo pulo, já estamos de volta!

Há três lustros que galizalivre comparecia pola vez primeira na cena mediática da nossa Terra. ‘Informaçom livre e sem mordaças’ era o nosso lema naqueles inícios de século. Acompanhávamos a emergência dumha nova fase da luita galega, e faziamo-lo às portas dum tempo que também se adivinhava inédito. Começávamos a medir todas as potencialidades das tecnologias da comunicaçom na tarefa dos movimentos populares (sem tampouco esquecermos os seus riscos) e pugemo-nos maos à obra. Com tanta modéstia de meios como entrega de tempo e energia, tencionamos acompassar a marcha do movimento arredista nas ruas, nos montes, na rede, nas prisons, nas factorias, nas aldeias, nos gabinetes e nas aulas da nossa naçom. Fixemo-nos eco das suas demandas e reivindicaçons silenciadas; apontamos com dados e rigor contra o conglomerado ocupante que fai píngues benefícios da colonizaçom da Galiza; expugemos razons pola superaçom deste sistema capitalista que já beira o colapso e o sem sentido; abrimos o nosso espaço a várias correntes de pensamento crítico, com o intuito de achegar umha bússola neste árduo caminhar pola emancipaçom.

Os tempos e os feitos confirmárom parte das nossas posiçons e ratificárom a importáncia dum espaço contra-informativo galego que dera voz à causa silenciada. O ideal independentista, noutrora bandeira solitária de pequenos grupos resistentes, aumentou o seu espaço social na Galiza; num ámbito mais amplo, demonstrou a capacidade de abalar a estabilidade do próprio Estado, como hoje pom de manifesto o impulso catalám; a desconfiança com o sistema capitalista e as suas elites políticas empapou sectores da classe trabalhadora que nem imaginaríamos há umha década.

E porém, também o perigo medrou: sabemos perfeitamente que as razons nom abondam, e que por si sós comparecem impotentes. Enquanto o poder espanhol e todo o seu oligopólio mediático se atrincheiram na sua sem razom histórica, engraxando a engrenagem e arrastando capas da populaçom para comportamentos medonhentos, regressivos, umha parte importante do nosso povo continua enfraquecido pola desorganizaçom e a dessídia.

Em 2014 decidimos umha parada estratégica para reflectirmos e acumularmos forças. Agora recompomos a nossa equipa técnica e humana com velhos e novos recursos para pôr um sério contraponto à dispersom de forças e à atonia. Somos fieis às palavras de Castelao: ‘temos fe no nosso povo, e mui logo o nosso povo terá fe em nós’. Por isso refugamos o estado de permanente laio e queixume, esse estado anímico insidioso que se infiltrou no galeguismo como pretexto para a desmobilizaçom e a indecência.

Os tempos som tam prometedores como difíceis, também no ámbito da contra-informaçom. Nom podemos oferecer mais que entrega e trabalho rigoroso, feito desde a gratuidade e o macomum, para deitar luz informativa sobre aquilo que o poder ensombrece com o silêncio e a mentira; também o nosso espaço para toda aquela Galiza que se constrói por baixo, ao alento dos movimentos populares e a vontade permanente de melhora.

O nosso precursor José Velo Mosqueira deixou-no escrito num formoso mandamento: ‘quando nom há vento, a vogar’. Arredista e antifascista, reintegracionista e guerrilheiro, poeta, afrontou com imaginaçom e afouteza alguns dos momentos mais ensarilhados da nossa história contemporánea. Nós voltamos a vogar, e queremos fazê-lo com todas e todos vós, que na rede e na rua achegades o vosso esforço à grande obra da Galiza.

Aceder a Galizalivre.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar