Briga acabou de lançar umha campanha nacional para encorajar a participaçom juvenil num projeto coletivo revolucionário.

A organizaçom juvenil revolucionária fai questom de assinalar a organizaçom como passo imprescindível para conseguir qualquer tipo de mudança positiva para a juventude em particular e para a classe trabalhadora em geral. Em tempos de individualismo descontrolado, Briga aposta na legenda "Organizamo-nos para vencer", condensando em poucas palavras umha reflexom básica mas mais necessária do que nunca.

ORGANIZAMO-NOS PARA VENCER!

Passam já 39 anos de falsa democracia orquestrada polas elites do caduco regime franquista, no afám de procurar umha continuidade da sua posiçom de poder. Chegamos ao trigésimo-nono aniversário da constituiçom espanhola, num momento em que o regime do 78 afronta a pior situaçom para a sua continuidade desde a morte do ditador.

A crise sistémica que vem enfrentando desde há já quase umha década o sistema neoliberal espanhol provocou a acentuaçom das contradiçons do regime, levando a Espanha a umha situaçom de contínuas adversidades e problemas estruturais em todos os eidos, desde o económico até o nacional, sendo preciso solucioná-lo com um endurecimento do modelo de opressom do Estado.

A acentuaçom da precariedade, o desemprego juvenil, a emigraçom, a venda do trabalho da juventude como a mao de obra mais barata e explorável, o retrocesso dos nossos direitos como mulheres trabalhadoras, dos nossos direitos individuais, coletivos e nacionais ou a destruçom do sistema educativo público, som só umha ínfima parte dos problemas aos que o sistema espanhol condena à juventude. Questons que pioraram com o passo do tempo se nom há capacidade coletiva da juventude de fazer frente aos novos ataques provenientes da burguesia, do patriarcado ou do espanholismo.

Só a auto-organizaçom da juventude é quem de enfrentar o sistema, convertendo esta numha parte imprescindível da vanguarda dos processos revolucionários e de transformaçom social.

E é por isso que hoje, BRIGA, vimos de lançar umha campanha nacional que decorrerá durante os próximos meses sob a legenda “Galega, jovem e rebelde. Organiza-te para vencer” Chamando o conjunto da juventude galega a organizar-se, contribuindo ao avanço da história. A nossa participaçom como jovens em todo tipo de projetos, já nom só em organizaçons políticas juvenis, se nom em todo espaço de construçom de contra poder, de defesa dos nossos interesses é urgentemente necessária.

É preciso golpear o sistema com todas as nossas forças organizadas, agora mais que nunca, aproveitando as suas fendas abertas. Para continuar abrindo-nos passo face a um futuro melhor.

Organizar-nos para vencer, porque essa é a chave da vitória e só nós conquistaremos o futuro.

Organiza-te para vencer!