Publicidade

Diário Liberdade
Segunda, 15 Janeiro 2018 20:48 Última modificação em Sexta, 19 Janeiro 2018 01:23

Fórum Social de Ferrolterra reclama "parque público de vivendas" contra "precariedade habitacional"

Avalie este item
(0 votos)
País: Galiza / Consumo e meio natural / Fonte: STOP-Despejos Ferrol

Reproduzimos o comunicado emitido polo Fórum Social de Ferrolterra coincidindo com um novo julgamento contra umha trabalhadora desempregada ameaçada de despejo.

Foi o xuízo por desafiuzamento en Ferrol, este quedou pendente de resolución

- O movemento antidesafiuzamentos acompañou a Silvia cunha concentración nas portas dos Xulgados de Ferrol, para denunciar publicamente a situación e reclamar unha vivenda digna

- Só un parque público de vivenda pode solucionar a medio prazo a situación de cada vez máis familias que viven na precariedade residencial.

Esta é unha imaxe que se repite co paso do tempo, a protesta diante dos Xulgados, e os poderes públicos seguen sen responder coa celeridade que reclama a situación até que non hai máis remedio e o fan, porque se produce a denuncia pública. Hoxe touco-lle a Silvia e a súa familia. A falta de recursos económicos fixo que non puidera facer fronte ao pago do elevado alugueiro da súa vivenda habitual (325 euros) e sumar-lle gas, auga, electricidade, comunidade... O desemprego é unha ameaza constante nunha parte moi importante da poboación de Ferrolterra. Mesmo Ferrol non só é a cidade da Galiza que máis habitantes perde, senón que ten o duplo de persoas en desemprego e sen perspectivas de te-lo a curto e medio prazo, polo que provoca que unha parte importante opte por deixar a cidade, sobre todo a xuventude. Silvia nos últimos tres anos só leva traballado seis meses de xeito regulado, con seguro e contrato. O que só lle dá para que lle sexa recoñecido o dereito a un subsidio de desemprego polo mesmo tempo traballado. Na actualidade segue formando-se realizando un curso polas tardes.

O xuízo tivo lugar, hoxe ás 11 da mañá, Silvia presentou documentación e unha testemuña (A dona do 10% da vivenda) que demostra a falta de lexitimidade da rentista para alugarlle a vivenda, polo tanto para tamén desafiúza-la, que a vivenda aínda está rexistrada ao nome do IGVS e que non se podería alugar, é por iso que non había recibos, nin estaba declarada. Isto argumenta a defensa, para evitar o desafiuzamento. Agora queda a deliberación do xuíz e a posterior resolución que se saberá entre unha semana e 10 días. A avogada da rentista demandante, solicitou o pago ou o desaloxo da vivenda antes do 15 de febreiro.

O Concello de Ferrol, mediante unha nota do seu gabinete de comunicación saíu ao paso da situación, dicindo que está no asunto e que os servizos sociais están atendendo o caso.

"A muller afectada acudiu a mediados de decembro aos Servizo Sociais de Ferrol para expoñer a urxencia do seu caso, logo da denuncia do particular ao que lle tiña alugada a vivenda.

Tiña unha cita ás 12:00 deste mediodía nos Servizos Sociais de Ferrol á que non puido acudir, polo que foi adiada ao mércores 17, o mais axiña posible.

De arcordo aos datos dos que dispoñemos, é a primeira persoa da lista en optar ao bono alugueiro do IGVS, logo da intermediación do Concello e habida conta da urxencia do seu caso, no que están envorcada a Concellería de Benestar Social sempre coa dilixencia ea reserva no tratamento dos datos particulares que corresponde a estes casos, para ofrecerlle todas as axudas económicas posibles e facer os trámites pertinentes -que xa foron realizados desde o Concello nas competencias que lle son propias a esta Administración-para a súa tramitación.

A concelleira de Benestar Social, Saínza Ruiz, que acudía hoxe a concentración en apoio desta persoa, tamén se comprometeu publicamente a poñer ao seu dispor, unha vivenda de urxencia de titularidade municipal, no caso de que fose necesario no caso de que a Xunta non ofreza a solución que lle compete".

Desde o movemento antidesafiuzamentos, vemos positivo as solucións paliativas, coas que resposta o Concello e dependentes da Xunta de Galicia, mais somos conscientes de que son a moi curto prazo, que vai facer Silvia no futuro inmediato, con apenas un subsidio de desemprego (430,27 euros) dun curto período de tempo (seis meses prorrogábeis de 6 en 6 até un máximo de 21 por ter cargas familiares) e o bono de alugueiro social que cubre unha axuda de 200 euros nun período dun ano (prorrogábel até tres), e sempre no caso de que algún particular, teña a ben alugar-lle unha vivenda. Pois segundo indican desde o Programa Reconduce de Ferrol (Xunta de Galicia), non hai vivendas dispoñíbeis que poda ofertar o IGVS, nin de adxudicación directa, nin do Programa Vivendas Baleiras, nunha cidade que ten máis de 9.000 vivendas baleiras. Non se pode chegar moi lonxe nun Ferrol deprimido social e economicamente, onde as perspectivas de atopar un emprego son mínimas e xa non digamos un emprego minimamente estábel. Só un parque público de vivenda pode solucionar a medio prazo a situación de cada vez máis familias que viven na precariedade residencial.

A demanda de vivenda social en Ferrol(VPP), a 15 de xaneiro deste ano 2018, é de 610 familias e destas 498 solicitan vivenda de alugueiro social e 100 de alugueiro con opción de compra e 12 para comprar.

Continuaremos vendo as mesmas imaxes, en moi poucos días.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar