O único centro superior da Galiza dedicado às artes dramáticas que oferta os cursos de Direçom Cénica e Dramaturgia, Cenografía e Interpretaçom, bem como os itinerários de Interpretaçom textual e Interpretaçom gestual enxerga assi o seu futuro ameaçado, ao serem excluídos seis docentes nos últimos dous anos e avaliando esta decisom como danosa para o roteiro pedagógico e formativo do centro. Do mesmo jeito, denunciam o tratamento adverso da Inspeçom educativa em relaçom ao centro, ao incidir na reduçom do quadro de pessoal e contravir a soberania competencial e decisória da ESAD.
Solicitam com requerimento à Conselharia da Educaçom que resolva a situaçom que vive o centro e advertem da sua firme intençom de mobilizaçom e luita se continuar o precário tratamento da Administraçom ao centro.