Publicidade

Diário Liberdade
Sexta, 29 Julho 2016 12:14 Última modificação em Segunda, 01 Agosto 2016 16:02

Deterioraçom do mercado laboral galego continua: populaçom ativa caiu em 5.500 no último ano

Avalie este item
(0 votos)
País: Galiza / Laboral/Economia / Fonte: CIG

O mercado laboral continua a destruir emprego e no segundo trimestre do ano regista 5.500 ativos/as menos do que em 2015.

Cresce a temporalidade e mantém-se um alto índice de desemprego juvenil e de longa duraçom.

O mercado laboral galego nom dá sintomas de recuperaçom e continua a destruir emprego, tal e como mostram os dados do Inquérito de Populaçom Ativa (EPA) do segundo trimestre de 2016.

O nosso país conta um total de 5.500 ativos/as menos relativamente ao mesmo período do ano anterior, enquanto regista um incremento da temporalidade e mantém um alto índice de desemprego juvenil e de longa duraçom.

Como vem sendo habitual no segundo trimestre de cada ano, os dados da EPA deixam ver de novo um incremento da populaçom ocupada e umha queda do desemprego; a situaçom explica-se polo facto de se tratar de contrataçom ligada ao período estival e, portanto aos serviços, o único setor que regista um comportamento positivo.

A ligeira recuperaçom de ativos/as, com 7.900 mais do que no trimestre passado, nom se mantém em relaçom ao ano anterior, umha vez que a nível interanual continua a perda de populaçom ativa, concretamente 5500 ativos/as menos.

Ao mesmo tempo, o incremento da populaçom ocupada (um total de 12.900 pessoas), produz-se quase exclusivamente no setor serviços, onde a ocupaçom cresce em 13.000; na construçom produz-se umha perda de ocupados/as, 1.500 pessoas menos, enquanto a indústria nom regista variaçom.

O facto de a prática totalidade do incremento da ocupaçom ser no setor serviços, assim como que a maioria dos contratos serem temporários, demonstra o caráter meramente conjuntural desta evoluçom. As principais variáveis evoluírom da seguinte maneira:

  2015/II 2016/I 2016/II Variaçom trimestral Variaçom interanual
  Total Total Total Absoluta Relativa Absoluta
Total 2.360,20 2.351,10 2.349,50 -1,60 -0,1 -10,70
Ativos 1.262,40 1.249,00 1.256,90 7,90 0,6 -5,50
Populaçom ocupada 1.009,90 1.021,10 1.034,00 12,90 1,3 24,10
Populaçom desempregada 252,5 227,9 222,9 -5,00 -2,2 -29,60
Inativos 1.097,80 1.102,20 1.092,50 -9,70 -0,9 -5,30

Fonte: EPA. INE

Outro dos fatores negativos do comportamento do desemprego tem que ver com que, apesar de o número de desempregados se reduzir em 5.000 pessoas, persistir uma taxa de desemprego juvenil de 52,1%; além disso, 44% dos desempregados e desempregadass levam mais de dous anos nessa situaçom. E 75.700 famílias tenhem todos os seus membros ativos no desemprego.

Atendendo a estes dados, da secretaria confederal de Emprego e Indústria da CIG incidem no insucesso das sucessivas reformas laborais aplicadas polos Governos do PSOE e do PP, umha vez que só servírom para desvalorizar os salários e precarizar as condiçons de trabalho.

Neste senso, o seu responsável, Miguel Malvido, alerta de que as conseqüências destas reformas deixam o nosso país numha situaçom social insustentável, "com milhares de trabalhadores/as no limite da pobreza e em risco de exclusom, visto que na atualidade conta com um salário que nom garante umha vida digna".

Finalmente, Malvido salienta a alta temporalidade do emprego, que nom deixa de aumentar mês a mês, assim como a elevadísima taxa de desemprego juvenil e de comprida duraçom. "Nom pode ser que haja quse 76.000 famílias com todos os seus membros no desemprego, já que isto quer dizer que nos encontramos diante de uma situaçom sociolaboral muito grave", conclui.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar