O Diário Liberdade reeditou a obra, atualizando-a e incluindo ilustraçons em cor sobre o momento histórico e as ideias do Lenine, com motivo do centenário da sua escritura.

Agora, a editora completou a distribuiçom para livrarias na maior parte das cidades galegas, num intento, segundo explicam do Coletivo Editor, de colocar a obra o mais facilmente disponível que se poda. Pode-se também encomendar o livro online, recebendo-o polos correios na morada indicada (click aqui) em qualquer ponto do mundo.

Para além de conseguir umha obra imprescindível, ao obter 'O Imperialismo, fase superior do capitalismo' estarás a apoiar a entidade editora, a Associaçom Cultural Diário Liberdade, sem fins lucrativos.

O Imperialismo, fase superior do capitalismo

O imperialismo, fase superior do capitalismo foi escrito por Vladimir Ilitch Ulianov Lenine na primavera de 1916, como obra divulgativa para a militáncia revolucionária da altura, em plena Guerra Mundial e nas vésperas da primeira revoluçom proletária triunfante na Rússia.

Esta ediçom conta com um prólogo específico, realizado polo Coletivo Editor do Diário Liberdade, assim como com umha série de ilustraçons realizadas por Maurício Castro.

Trata-se de umha ediçom cuidada, que inclui notas de rodapé novas e umha lista final explicativa de nomes, todo o qual ajuda a compreender as referências contextuais incluídas por Lenine na sua exposiçom didática sobre a fase imperialista de um capitalismo já mundializado na altura em que foi escrita.

O imperialismo, fase superior do capitalismo
Vladimir Ilitch Ulianov Lenine
181 páginas. Ilustrado em cores.
Editado em Compostela, no ano 2016, polo Diário Liberdade.

Comprar online aqui

Listagem de pontos de venda na Galiza