Publicidade

Diário Liberdade
Quarta, 04 Mai 2016 16:50 Última modificação em Quinta, 05 Mai 2016 21:35

Fotografia, curtas e contos, no concurso de Adega sobre ambiente e atividade humana

Avalie este item
(0 votos)
País: Galiza / Consumo e meio natural / Fonte: Adega

A VI edición dos concursos “Fotografías polo territorio” e “O lugar onde vivo” e a V Edición de “E ti que é o que ves?” enmárcanse na Campaña “Ponte no medio. Móvete polo territorio” de ADEGA.

O prazo para presentar as obras a concurso será o vindeiro 1 de novembro do 2016.

ADEGA convoca unha nova edición dos Concursos polo Territorio, destinada a ofrecer unha oportunidade á sociedade galega de retratar o estado actual do territorio galega a través da imaxe e da palabra. Por sexto ano consecutivo, os certames pretenden facer partícipe a cidadanía galega na reivindicación dunha ordenación territorial sustentábel na que se eviten as ansias especulativas dos poderes privados sobre o territorio, ás veces, en conivencia coa administración pública, e na que se propoñan alternativas máis coherentes coa defensa ambiental, coa cohesión social e coa posta en valor do noso patrimonio cultural.

Estes concursos enmárcanse dentro da campaña “Ponte no medio. Móvete polo territorio” que ADEGA ten posta en marcha desde o ano 2011 e contan coa axuda da Área de Cultura da Deputación provincial de Lugo.

ADEGA anima á participación nesta nova edición dos certames de fotografía, relato e curtas polo Territorio que o ano pasado reuniu un montante de 84 fotografías, 63 relatos e 11 curtametraxes.

VI Concurso “FOTOGRAFÍAS POLO TERRITORIO”

As fotografías deberán ter como obxecto mostrar os efectos de actividades humanas que supoñen unha agresión ao noso país xa sexa contra o patrimonio, a cultura, a paisaxe ou a identidade territorial. Tamén se poden enviar fotografías que amosen exemplos positivos de posta en valor e defensa da nosa contorna. Cada participante poderá presentar como máximo un total de 4 fotografías cos seus datos persoais e a localización xeográfica das imaxes, que terán que ser enviadas a ADEGA através do e-mail: Este endereço de email está sendo protegido de spambots. Você precisa do JavaScript ativado para vê-lo..

Neste certame establécense dúas categorías de participación: a xuvenil, ata os 16 anos; e a adulta, para maiores de 16 anos.

Os Premios para a Categoría Adulta serán un Diploma e 200 euros; e os premios para a categoría Xuvenil, Diploma e 150 euros.

O prazo para presentar as fotografías remata o día 1 de novembro do 2016.

VI Concurso “O LUGAR ONDE VIVO”

Os relatos curtos poderán ser historias fantásticas, feitos reais ou experiencias propias, sempre e cando o eixe do relato xire arredor das visións que a poboación galega ten sobre o lugar no que vive; como é, como foi, como quixeramos que fose, a importancia da súa conservación, as agresións sufridas polo mesmo, as experiencias positivas que se dan na súa configuración, etc.

Cada participante poderá presentar un máximo de 2 relatos inéditos en lingua galega, que terá que enviar por correo postal ao enderezo de ADEGA Lugo (Ronda das Fontiñas 180, entrechán) ou por correo electrónico a; Este endereço de email está sendo protegido de spambots. Você precisa do JavaScript ativado para vê-lo..

Para esta convocatoria tamén se establecen as categorías xuvenil e adulta e o prazo límite de presentación das obras remata o día 1 de novembro de 2016.

Os Premios serán de 250 euros máis diploma para o gañador/a da Categoría Adulta e 200 euros e diploma para a categoría xuvenil.

V Concurso “E TI QUE É O QUE VES?”

As curtametraxes poden ser de ficción, documentais ou de animación e deberán dar mostra de exemplos de posta en valor da nosa cultura, dos nosos recursos naturais ou do territorio en xeral e/ou denunciar aquelas actuacións que resulten agresivas co mesmo.

Cada participante poderá presentar un máximo de 4 proxectos audiovisuais, que terá que enviar en formato DVD, por correo postal ao enderezo de ADEGA Lugo (Ronda das Fontiñas nº 180 Entrechán); ou através dalgunha plataforma online de intercambio de arquivos, tipo Dropbox, Wetransfer, Google Drive, ou enviar a ligazón de descarga ao email: Este endereço de email está sendo protegido de spambots. Você precisa do JavaScript ativado para vê-lo..

Establécese unha única categoría para este certame e o prazo límite de presentación dos traballos remata o día 1 de novembro de 2016.

O 1º Premio levará un Diploma e 250 euros e o 2º Premio obterá un Diploma e 150 euros.

As bases dos concursos pódense descargar da web de ADEGA, www.adega.gal

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar