A iniciativa fazia parte do percurso que a nível nacional e sob o nome de Correlíngua 2016, leva a mensagem normalizadora da língua da Galiza aos centros de ensino.

No caso da comarca mais populosa da Galiza, a jornada concluiu com umha festa no pavilhom das Travessas, por causa da chuva, em lugar do previsto parque de Castrelos. O Mago Marco, Talía Teatro e Zënzar dérom conteúdo artístico e reivindicativo ao evento, que mais umha vez evidenciou umha disfunçom entre a identificaçom afetiva com a língua do País e o seu uso efetivo a todos os niveis.

Um caso diferente é o papel da institucional municipal no evento, que como é habitual deu um apoio retórico que contrasta com as práticas espanholizadoras que aplica no dia a dia no ámbito municipal.

O Correlíngua vai continuar a partir desta segunda-feira em jornadas sucessivas: Monforte, Ferrol, Lugo, Estrada, Cangas, Compostela e Ponte Areias. Toda a informaçom no site da iniciativa.