A Açom Mundial reivindica "os direitos das persoas, dos povos" e defende "o meio ambiente", para além de ir "contra a Troika e as suas políticas austericidas que nos condenam ao desemprego e ao empobrecimento, contra o latrocínio das grandes corporaçons transnacionais" e mesmo "contra a mudança climática", em palavras das e dos promotores trasanqueses.

Sob a legenda "O 15M imos tod@s á Praza" o movimento ferrolano convocou umha concentraçom e assembleia pols 12 do meiodia no Cantom de Ferrol, para domingo 15 de maio - data em que o movimento homónimo fai cinco anos. Em Ferrol convocam a #GlobalDebout das Marchas da Dignidade de Trasancos. O coletivo ferrolano é só um dos que comemorarám a data.

Em Ourense, a iniciativa apresentava-se na manhá de hoje (12 de maio) com adesom de mais de 20 coletivos para o protesto que decorrerá na cidade na mesma data, a partir das 19:00, sob a legenda "Convergência das luitas". "Queremos que esta jornada seja um reconhecimento às distintas plataformas e a todos os coletivos da cidade, um agradecimento a cada um deles, a todas esas pessoas que continuamos crendo numha luita coletiva. A praça Maior de Ourense convertir-se-á no lugar onde escuitaremos as vozes daquelas que sostém a chama da luita popular e cidadá dia após dia, ao longo de todo o ano".

Há também mobilizaçons previstas na Corunha, Lugo, Compostela e Vigo.

Na primeira das cidades, o programa de mobilizaçons começará já no dia 14 para, após umha noite de vigília, continuar com concentraçons pola sanidade pública, Performance TTIP, jantar, músicas, atos de mobilizaçom e inclusive batucadas.

Lugo tem umha concentraçom polas 20:00 horas de dia 15, partindo da praça Maior.

Compostela adere a NuitDeBout, igual que a Vigo.

O movimento anuncia umha "Muralha da Dignidade" em Lugo no dia 28 de maio.