Publicidade

Diário Liberdade
Quarta, 14 Dezembro 2016 00:01 Última modificação em Quarta, 21 Dezembro 2016 15:20

Esquerda «magufa» Destaque

Avalie este item
(1 Voto)
/ Batalha de ideias / Fonte: Naiz

[Alberto Pradilla, traduçom do Diário Liberdade] Nom sei em que momento umha parte da esquerda abandonou o materialismo dialético para abraçar a superstiçom como mecanismo para analisar a sociedade.

Em lugar de abordar a realidade desde o racionalismo, a partir da tentativa de compreender o que nos rodeia através do método científico, preferimos recorrer às explicaçons mais estrambóticas. Convertemo-nos em «magufos», neologismo decorrente de unir as palavras «mago» (mágico em espanhol) e «ufo» (ovni em inglês), seres crédulos dispostos a comprar qualquer teoria, quanto mais inverosímil, delirante e conspiranoica, melhor. Dá igual se som os chemtrails, as maquinaçons entre o Pentágono e os reptilianos, a cura do cancro que ocultam as farmacêuticas ou a homeopatia como substituta da medicina. O importante é que a tese desafie todo pensamento lógico, tenha um desenvolvimento circular que permita ao crente assegurar que «todo encaixa» e, se for possível, que se organize mediante umha boa razom de “conspiranoia”.

Na era da comunicaçom, há sectores em aparência progressistas que, em lugar de se ilustrarem, preferem recorrer ao site do primeiro xamám que encontram e que ofereça umha explicaçom consoante os seus preconceitos. É umha pandemia que atinge todos os campos, desde a política até a saúde pública. Num mundo onde supostamente fôrom alcançadas grandes quotas de preparaçom inteletual sempre haverá pessoas aparentemente educadas dispostas a atribuir aos Illuminatti o último atentado jihadista na Europa ou que as vítimas das atrocidades do ISIS recreiam umha coreografa filmada em algum estúdio do Qatar ou Arábia Saudita. Do mesmo modo, encontramos quem defenda a homeopatia ou as ervas como substitutos da medicina, julgue que as vacinas som parte de umha conspiraçom das farmacêuticas para promoverem o controlo mental ou assegure que o cancro pode ser curado com qualquer placebo. Tanta evoluçom para isto?

Somos filhos de umha época marcada pola incerteza. Todo é líquido e relativo e o maior acesso à informaçom nom implica mais clareza se degenera numha fé insana e inexplicável. Órfaos e isolados, sem expetativas e carentes de certezas, acabamos por nos submetermos à irracionalidade como bálsamo. Claro que existem as conspiraçons, que vivemos num mundo em que há forças que operam para se lucrar e que tornam mais hostil e injusta a existência. Como receita para as combatermos, há vezes em que dá a sensaçom de que, ao invés de nos inspirarmos em Marx ou Lenine, acabamos por seguir as indicaçons de Mulder e Scully. Explicava-o muito bem Alberto Moyano ao falar sobre «esoterismo dialético». É trágico pensar que nem o avanço tecnológico nem a expansom da educaçom servem como vacinas contra a fraude. O caminho para as trevas também é indicado por muitos sites.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar