Tras este tempo, e quedando constatada a indisposición das empresas a solventar as discrepancias, "si temos que recoñecer certos avances por parte dalgunha das Administracións implicadas que permiten albiscar cambios de calado na xestión dos servizos comarcais de bombeiros, e polo tanto tornan obsoleto o conflito plantexado a nivel autonómico".

É por iso que comunican a desconvocatoria da folga autonómica iniciada o día 18 de marzo de 2015 que afectaba aos Parques Comarcais Contra Incendios e Salvamento das provincias de A Coruña, Lugo, Ourense e Pontevedra xestionados de maneira indirecta.

Non significa isto que remate a situación de conflito, en canto seguirán vixentes as folgas convocadas a nivel provincial contra as empresas concesionarias en Lugo, Ourense e Pontevedra, así como nos parques do Consorcio de A Coruña xestionados por Natutecnia, e que reproducen todos ou parte dos motivos esgrimidos na folga agora desconvocada, "engadindo nalgúns dos casos graves incumprimentos dos pregos das respectivas concesións. Agardamos que compromisos futuros das administracións dirixidas a rescatar a xestión directa deste servizo esencial permitan superar esta situación".