Frente à mercantilizaçom (também) das nossas festas, diferentes coletivos sociais galegos organizam celebraçons nesta noite de 23 para 24 de junho, simbolicamente a mais longa do ano. A seguir, os atos que se celebrarám nalgumhas cidades galegas e dos quais chegárom informaçons à redaçom do Diário Liberdade:
Ferrol: Fundaçom Artábria
Ano após ano, a noite de 23 para 24 de Junho tem servido para que a Fundaçom Artábria comemorasse a chegada do Verao, como é tradiçom na nossa comarca e na Galiza toda: com grandes fogueiras, festa, comida e vinho.
Mais um ano estaremos com todos vos na Travessa de Batalhóns a partir das 20.00hs com música, dança e chouriços à grelha a dous euros.
Viva a festa galega e popular!
Corunha: Gomes Gaioso
A partir das 19h, na Rua Marcóni. Um clássico do solstício de verao! Nom o perdas!
Ainda que nom sabemos, como a imensa maioria d@s corunheses/as, quem é ou foi o tal Santo Joám, sim sabemos que nestas datas cai a noite mais curta do ano. O que oficialmente se considera começo do verao, a estaçom do ano mais calorosa, festiva e luminosa.
Ao longo destes mais de 8 anos de trabalho como comunistas, feministas e independentistas galeg@s, temos colocado esta festa local e nacional como mais umha, mas sem dúvida especial, do nosso calendário lúdico.
E este ano repetimos, como nom. Como em 2015, teremos chouriços, carne, peixe, música, bebida... todo pronto para que podades passar-vos por um dos bairros mais autênticos na celebraçom desta festividade.
Sem sardinha ou com ela, sem Sam Joám ou com ele, haverá som brasas, espinhas, ossos, e umha boa "monha" se nom previndes à hora de beber.
A divertir-se!
Compostela: Cacheleira Picheleira
Incluíndo Cacharela Pequena, Foliada, Chouriços e Cacharela "Grande" à meia noite. Será na praça Salvador Parga, começando a festa por volta das 20:00.
Lugo: Lume Novo Associativo
Olho que este ano muda de lugar. Será junto à Escola de Idiomas, a partir das 19:00, participando diferentes centros sociais da cidade.
Ourense
Voltam a cacharela e as sardiñas á Praça de San Cosme! Este ano con animaçom da escola de circo e foliada com as Porcas Bravas e os Airinhos de Estrume. Organiza A Galleira.