Diário Liberdade em campanha de angariaçom de fundos. Doa em um click!

O Bloque confirmou que neste ano retoma a iniciativa convocando a que será a maior mobilizaçom do Dia da Pátria. Será no dia 25 de julho às 12 na Alameda da capital galega sob a legenda "Galiza Viva, soberania e trabalho", e irá precedida, segunda anunciou a organizaçom nacionalista, por umha "intensa campanha".

A manifestaçom concluirá, como cada ano, na praça da Quintá, contando com a participaçom de umhas 28 delegaçons internacionais, segundo avançou o BNG.

Meia hora mais tarde, partirá do mesmo lugar a manifestaçom independentista, convocada, essa sim, por um grupo de individualidades do ámbito do independentismo. Nom temos constáncia de mais manifestaçons de organizaçons do ámbito nacional galego. Os social-liberais de "Compromisso por Galiza" terám umha festa, enquanto Anova nom difundiu ainda que iniciativas desenvolverá em torno dessa data.

Nas vésperas, haverá, como o DL já informou, a cadeia humana solidária com os presos e presas que Ceivar organiza todos os anos, a manifestaçom juvenil unitária, assim como a Jornada de Rebeliom Juvenil de Briga e o Festigal.