O Grupo Municipal do Bloco Nacionalista Galego (BNG) denuncia que a Cámara Municipal da Corunha continua sem constituir a Comissom Especial para atender casos de desalojos hipotecários, que fazia parte do acordo da moçom para a adopçom de medidas sociais para responder os despejos, aprovada fai mais de um ano, em novembro de 2015.

A Comissom incluiria, se estivesse constituida, técnicas e técnicos, plataformas contra os despejos e porta-vozes dos grupos municipais. A sua nom constituiçom fai com que nom poda estar a desenvolver as atividades para as quais fora programada, nomeadamente o estudo da possibilidade de conceder ajudas ao aluguer, ajudas para evitar o corte de fornecimentos básicos como água, gás ou luz e ajudas para alimentaçom, entre outras.

O o partido nacionalista lembra que já solicitou a constituiçom da comissom em 2015, três semanas após o acordo no pleno municipal, mas a situaçom continua um ano depois.