Publicidade

Diário Liberdade
Terça, 03 Outubro 2017 21:31 Última modificação em Segunda, 09 Outubro 2017 20:54

Cresce movimento de massas na Catalunha: Rejeitamento às forças ocupantes espanholas toma o País

Avalie este item
(0 votos)
País: Paísos Cataláns / Direitos nacionais e imperialismo

A paralisaçom de atividades económicas estendeu-se por todo o país, dous dias depois da violência massiva das forças ocupantes espanholas contra as pessoas que queriam votar no referendo de autodeterminaçom.

Apesar de que CCOO e UGT acabárom por se desvincular da convocatória dos sindicatos minoritários, a êxito foi total, com mobilizaçons por toda a geografia catalá, estradas cortadas, comércio fechado e administraçom parada, durante toda a jornada.

Entre acusaçons de “greve nazi” por parte do Governo espanhol e manipulaçons descaradas da realidade por parte de todos os meios de comunicaçom do sistema, só a TV3 ofereceu informaçom permanente e contrastada, com emissom ao vivo de ruas e praças cheias de multitudinárias de concentraçons.

No momento de redigirmos esta crónica, algumhas concentraçons continuam, principalmente na capital catalá.

Como novidade da jornada, destacou a adesom de grupos de pessoas com bandeiras de Espanha que, apesar da sua identificaçom nacional, condenárom igualmente a repressom do seu Estado. Outro setor crescente muda rapidamente a sua forma de avaliar o conflito e afirma ter-se convertido em independentista nos últimos dias vendo o comportamento das forças repressivas e do Estado espanhol.

Condenas internacionais e discurso duro do Estado espanhol

Nas últimas horas, diferentes instituiçons internacionais reclamárom respeito aos direitos civis e políticos por parte do Estado espanhol, assi como o fim da violência estatal contra o povo catalám. A ONU, a delegaçom internacional de observadores e boa parte da imprensa internacional insistiu em reclamar umha retificaçom espanhola.

Entretanto, o executivo de Rajoi nom abranda o discurso e diferentes ministros continuam a provocar e ameaçar o povo catalám e as suas autoridades. A esse coro somou-se às 21 horas desta terça-feira o chefe do Estado, Felipe de Bourbon, que dirigiu um discurso extraordinário “a todos os espanhóis”.

Com um discurso duro, interpelando a minoria espanholista da Catalunha, transmitiu-lhes que terám o apoio do aparelho de poder espanhol e lançou graves acusaçons contra o governo legítimo, por cumprir o mandato maioritário do povo e do Parlamento catalám. Reproduzindo as teses do PP, o monarca espanhol incrementou a pressom do Estado sobre o povo catalám, que continua nas ruas, com atitude tam pacífica como firme em defesa dos seus direitos coletivos.

As desta terça-feira dia 3 de outubro fôrom as maiores manifestaçons e concentraçons em numerosas vilas e cidades da Catalunha. Umha das mensagens generalizadas foi a da “Imprensa espanhola, manipuladora”, em referência à incrível deformaçom e censura que carateriza as supostas “informaçons” dos meios do regime espanhol.

Na capital, a sede da Polícia espanhola tivo às suas portas umha grande concentraçom desde a manhá até a noite pola saída das forças repressivas da Catalunha. À tardinha, houvo umha pequena manifestaçom pró-espanhola no centro da cidade.

Entre ameaças de incremento repressivo do Estado espanhol, todo indica que a mobilizaçom do povo catalám vai continuar, para defender o resultado do referendo, favorável à independência imediata. Esperam-se os próximos passos do Parlamento catalám em cumprimento da Lei de Transitoriedade, que o Reino de Espanha se nega a reconhecer.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar